Ziyarat e Ashura

💕Ziyarat e Ashura-💕

Har roz Ziyarat e Ashura padhne ke fawaid-

Imam Baqir(a.s) ne riwayat ki hai ki Ziyarat e Ashura Roz padhne Darje zeel fawaid Hain-

* Rizq main izafa hota hai
* Zindagi badhti hai
* Hajat rawan hoti hai
* Gunha maaf hote hain
* Qurbe ilahi hasil hota hai
* Ghalib se madad milti hai
* Imam Hussain as ki madad milti hai
* I.Hussain a.s or tamam masumeen a.s razi hote hai
* Saiyyada zahra(s.a) or rasule khuda(s.a.w.m) shifayat farmaenge
* Jannat wajib Hoti hai
* Azabe Qabr Se nijaat milti hai
* Pule siraat par Imam Ali (a.s) madad ko aaenge
* Imam-e-Qaim(ajtf) ka khosus karm hota hai
* Allah s.w.t apne khas bandon me shamil karleta hai

Ref-Mufatihul Jinan

HAJJ & FAZILAT-E-ZIYARAT-E-HOLY PROPHET (S.A.W.A.)

1. Imam Reza (as):
Jis shakhs ne 3 Momeneen ko Hajj karvaya ho usne apni jaan Parwardigaar e Aalam se qeemat de kar khareed li…
(Khisaal, p76)

2. Imam Reza (as)
se puchha gaya ke iski kya wajah hai ke Hajj karne wale shakhs ke gunaah 4 mahine tak nahi likhe jaate?
Imam (as) ne farmaya, "Iski wajah ye hai ke mushrekeen ko Allah ne 4 mahine ki mohlat di thi aur farmaya tha, 'Tum 4 mahine tak zameen par chal phir lo' (Surah Tauba, Ayat 2). Jab Khuda ne mushrekeen ko 4 mahine ki mohlat di to usne Apni shaan e Karimi se Hajj karne wale Momeneen ko bhi ye mohlat di ke 4 maah tak unke gunaah bhi nahi likhe jayenge".
(Uyoon Akhbaar ar Reza, v2, p181)

3. HOLY PROPHET (S.A.W.A.)
  Jis ne meri ziyarat ki meri zindagi me ya meri rehlat ke baad toh quiyamat ke din mujh per wajib hoga mai usse milu aur usse uske gunaho ke azaab se usse mehfuz karu.
(Kamil al ziyarat pg 8)

FAZILAT ZIYRAT IMAM E REZA (as)

YA IMAM E REZA (as)!!!

1. Imam Kazim (as)
ne Imam Ali Reza (as) ki taraf ishara kar ke farmaya, "Jo shakhs mere is bete ki Ziyarat karega uske liye Jannat hai".
(Kaamil uz Ziyaraat, p410)

2.Imam Sadiq (as):
…Jo koi bhi Imam Reza (as) ke maqaam (azmat) ko pehchaante huwe unki Ziyarat karega to Khuda usko Fateh Makkah ki raah mein maal kharch karne aur Jihad karne ke barabar Ajr dega.
(Amaali - Shaikh Sadooq, p120)

3. Imam Naqi (as):
...Jo shakhs bhi mere jadd Ali bin Musa ar Reza (as) ki Ziyarat kare aur raaste mein aasmaan (baarish) ka EK qatra bhi uske jism par pad jaaye to (Allah) uske jism ko aatish e Jahannum par haraam qaraar dega.
(Wasaail ush Shia, v10, p305)

4. Imam Reza (as):
Jo shakhs bhi meri Ziyarat karega aur usay baarish, sardi ya garmi ki kuchh takleef pahunchegi to Khuda uske jism ko Dozakh par haraam qaraar de dega.
(Wasaail ush Shia, v10, p306)

5. Imam Reza (as):
Mere Shiyo'n ko ye paighaam pahuncha do ke jo koi meri Ziyarat karega to Khuda ke nazdeek 1000 Hajj ke barabar hai.

Aap ke farzand Abu Jafar (as) ne kaha, "1000 Hajj ke barabar?"

Aap ne farmaya, "Haa'n. Khuda ki qasam, 100 hazaar (yaani Ek laakh) Hajj uske liye hai jo hamari maarefat e Haq ke saath Ziyarat kare".

(Amaali - Shaikh Sadooq, p120)
(Kitaab Kaamil uz Ziyaraat, p 410 mein Hazaar Hazaar (yaani Dus laakh) Hajj ka sawaab likha hai)

6. Imam Reza (as):
Jo aalam e ghurbat o musafirat mein meri qabr ki Ziyarat karega to main Qayamat ke 3 muqamaat par uske paas jaaunga aur usay wahaa'n ki haulnaakiyo'n se najaat dilaaunga:
1) Jab logo'n ke daayein baayein haath mein naama e aamaal diye jaa rahe honge,
2) Siraat par,
3) Mizaan par.
(Uyoon Akhbaar ar Reza, v2, p550)

7. Imam Taqi (as):
Jo shakhs Toos mein mere Waalid e Maajid (Imam Reza (as)) ki Ziyarat kare to Khuda uske agle pichhle gunaah maaf kar dega aur (ba roz e Qayamat) H. Rasule Khuda (saww) aur Ali Murtuza (as) ke Mimbaro'n ke bil muqabil uske liye Ek Mimbar banayega yahaa'n tak ke Khuda logo'n ke hisaab o kitaab se faarigh hoga.
(Wasaail ush Shia, v10, p303)

8. Imam Taqi (as):
Jo shakhs mere Waalid e Maajid (Imam Reza (as)) ki Ziyarat karega uske liye Jannat hai.
(Wasaail ush Shia, v10, p304)

9. Rasule  Khuda (saww):
Mera  ek  paara  jigar  Khurasaan  [Mashhad]  mein  dafn  hoga.  Jo  dukh dard  ka  maara  uski  Ziyarat  ko  jayega,  Allah  Ta'ala  uske  dukh  dard ko  duur  kar  dega  aur  jo  koi    gunaahgaar  uski    Ziyarat  karega,  Allah Ta'ala uske  gunaho'n  ko  baksh  dega.
(Man  La  Yahzarul  Faqih,  v2,  h3187)